البنت أحسن من الولد !!

بعد التدقيق والتدوير والتنقيب
اثبتت التحريات ان البنت احسن من الولد والاسباب :

- تتكلم براحتها في التليفون وابوها او جوزها اللي هيدفع الفاتوره
- البنت مش ملزمه تجهز نفسها ابوها او خطيبها اللي هيدفعو دم قلبهم
- مفيش حد بيبص علي بدله العريس كله بيركز في فستان العروسه
- لو واحده عملت مخالفه مرور تعيط شويه للظابط وهو يعديها لو راجل هياخد علي دماغه
- البنت مش ملزمه تدفع ضرايب ابوها او جوزها بيدفعوها
- لو واحده مدتش لقرايبها عديه مفيش حد هيتكلم ولا يقول ياه دا راجل تبت وبخيل
- لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس
- لو حصل زعل بين البنت وباباها مش هيطردها بره البيت بس هي يدوب تدخل الاوضه وتعيط شويه وبابا يروح يصالحها أما الولد فيدوب يلحق مكان ينام فيه جنب البواب

دلع البنات :
ياختي قميله( سنتين)
يا عسوله (5 سنين)
يا عروسه (12سنه)
يا قمر (18سنه)
يا هانم (40سنه)
يا ست الكل (50سنه)
يا أم العيال (60سنه)

دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سنه)

شوفتوا بقى ان الولاد مظلومين اوى وحقهم را يح.
مش عايز أسمع صوت بنت خااااااااااااااالص بعد كده

و قال ايه حقوق المرأه
انتوا عايزين حروق المرأة

لا يابنى المفروض نديهم حقوق الحيوان كمان
هههههههههه

محدش علق عالموضوع
يعنى انتوا خايفين
محدش بيخاف من الحق !

على اساس ان الموضوع شماعه

انتى فعلا عندك حق فى كل اللى بتقوليه...
هو مش حقد ولا حاجة دا مجرد هزار وزى ما انتى شايفة انا حاطط الموضوع فى قسم فرفشة
وعموما انا آسف لو الموضوع زعلك !!

لا المفروض ان الاسف منى انا انا اسف

شكرا على مروركم ياجماعة ...وربنا مايجيب زعل أبدا !!

» بعد البحث والتدقيق ثبت أن البنت أحسن من الولد
» واضح أن قسم الرياضه ده ملوش لزمه هنا .... نلغيه أحسن !!